കണിച്ചാർ : ചാണപ്പാറ ദേവീക്ഷേത്രത്തിൻ്റെ പ്രതിഷ്ഠാദിന ഉത്സവത്തോട് അനുബന്ധിച്ച് ചാണപ്പാറ ദേവി വാദ്യ സംഘത്തിന്റെ നേതൃത്വത്തിൽ പഞ്ചാരിമേളം അരങ്ങേറ്റം നടന്നു. ആറു വയസ്സ് മുതൽ 30 വയസ്സു വരെയുള്ളവരാണ് തുകൽ വാദ്യത്തിൽ പഞ്ചാരി കൊട്ടി വാദ്യ കലാകാരന്മാരും, കലാകാരികളും ആയത്. വാദ്യസംഘം ഭാരവാഹികളായ കെ.എസ്.അശ്വിൻ. അജയ് കൃഷ്ണ, അശ്വന്ത് മനോളി, അക്ഷയ് രാജ് എന്നിവർ പരിപാടിക്ക് നേതൃത്വം നൽകി. ജില്ല കലോത്സവ വിജയികൾ, അസി.പ്രഫസർ യോഗ്യത നേടിയ പി.എസ്.ദേവദർശൻ, സിവിൽ പൊലീസ് റാങ്ക് ലിസ്റ്റിൽ ഇടം നേടിയ കെ.എസ്. അശ്വിൻ എന്നിവരെ അനുമോദിച്ചു. പേരാവൂർ ബ്ലോക്ക് പഞ്ചായത്ത് പ്രസിഡൻ്റ് ഇന്ദിരാ ശ്രീധരൻ ഉദ്ഘാടനം ചെയ്തു. യുവ കലാസാഹിതി ജില്ല പ്രസിഡൻ്റ് ഷിജിത്ത് വായന്നൂർ, മാലൂർ അനിരുദ്ധൻ, കെ.കെ. ശ്രീജിത്ത്, വിഷ്ണുദാസ്, സ്നേഹ രോഹിത് പ്രസംഗിച്ചു.
The Chanappara Devi Orchestra made its debut.
